Xaflad si heer sare loo soo agaasimay ayaa xalay ka dhacday Magaalada Birmingham, iyadoo ujeedada xaflada ay ahayd sidii loo soo dhoweyn lahaa, Wafti heer sare ah oo uu horkacaayo Gudoomiyaha Xisbiga Kulmiye Ahna Murrashaxa jagada Madaxweynaha Xisbiga Md. Muuse Biixi Cabdi. Waxaana abaarihii 7 fiidnimo xalay 05 October 2016, ay ka dhacdey Magaalada Birmingham.
Xafladdan oo ahayd mid si heer sare ah loo soo agaasimey ayaa waxaa ka soo qeyb-galey, qeybaha kala duwan Bulshada Sida:- Tageerayaasha Kulmiye iyo Jaaliyadda Somaaliland ee ku dhaqan Magaalada Birmingham iyo waliba qaar kale oo ka yimid daafaha iyo dacalada waddankan United Kingdom.
Xalay waxay reer Birmingham u ahayd habeen taariikhi ah oo dadka Tageerayaasha Xisbiga Kulmiye ay ka muuqatay qiiro iyo wadaniyad cod dheer lahayd. , iyagoo ku farxsanaa soo dhoweynta Weftiga Murrashaxa jagada Madaxweynaha Kulmiye Mudane Muuse Biixi Cabdi oo ka mid ahaa weftigii uu hogaaminayey Madaxweynaha Somaliland Md Axmed Maxamed Maxamuud Siilaanyo.
Xaflada oo ay isku dubaridkeeda lahaayeen Gudida Kulmiye Birmingham ayna hormood ka ahayeen Gudoomiyaha Md Maxamud Xirsi Duduu Iyo Gudoomiye Ku-xigeenka Md Fariid Diiriye Nuur : waxaa ugu horayn lagu furay aayadaha quraanka kariimka ah, iyadoo kadibna laga waramay Ujeedada xafladda iyo Booqashada weftiga Gudoomiyaha kulmiye ahna Musharaxa madaxweynaha Md Muuse Biixi,
Waxaa kadib halkaas ka hadley qaar kamid ah waftiga ballaadhan ee la la socday Gudoomiyaha Xisbiga Kulmiye, sida wasiirka madaxtooyada Maxamuud xaashi Cabdi . wasiirka Caafimaadka Dr Saleeban Ciise Axmed Xaglo-Toosiye.Wasiirka wasaarada xanaanda xoolaha Somaliland Cabdilaahi Maxamed Daahir Cukuse
kuwasoo halkaasi kasoo jeediyey khudbado yaryar oo kooban, kuwaasoo dhinacyo badan taabaneyey.
Intaa kadib ayaa waxaa hadalka lagu soo dhaweeyey,
ugu dambeyntii ama lagu soo gabegabeeyey Gudoomiyaha Kulmiye ahna musharaxa xisbiga kulmiye Mudane Muse Biixi Cabdi . waxaa gudoomiye Muuse Biixi Jaaliyadda reer Birmingham uu ugu baaqey iney noqdaan horseed lagu daydo oo wax weyn ka tara dibu-dhiska dalkooda hooyo.wuxuu uga mahadceliyey dadweynihii reer Somalilland ee sida sharafta leh ugu soo dhoweeyey Britain markii u horeeysay ee uu yimaado, wuxuuna si gaar ah amaan iyo bogaadin badan u jeediyey qaban-qaabiyayaashii munaasabadan ,
Ma ahayn wax qoraal lagu soo koobi karo khudbaddihii weftigii Hogaaminayo Gudoomiyaha Xisbiga Kulmiye Ahna Murrashaxa jagada Madaxweynaha Kulmiye
Waxaa la filayaa in weftiga Musharaxa madaxweynaha Mudane Muuse ay uga bilaabato booqashooyin kale oo uu ku kala bixinayo Goboladda kale ku yaala dalka Ingiriiska oo ay ka mid yihiin London Bristol iyo Magalooyin kale.
