ax sida wararku nagu soo gaadhayaan waxa lasoo gabagabeeyey dhagaysiga dacwada dilkiii taliyihii ciidamada booliska gobolka saaxil Gaashaanle Cabdirasaaq Maxamuud Casayr oo dabley hubaysani ku duleen duleedka magaalada berbera, taasi muddo ku dhaw laba bilood dhagaysigeedu ka socotay maxkamada ciidamada militariga Somaliland.
Waxaana sida naloo sheegay aad loo adkeeyey amaanka agagaarka maxkamada iyada oo lasoo dhoobay ciidamo tiro badan intaasi kadibna lasoo wada xaadiriyay eedaysanayaashii loo haystay inay ku lug lahaayeen dilkii taliye Casayr ee losoo xidh xidhay.
Garsoorka maxkamadda ciidanka malateriga Somaliland garyaqaan Yuusuf Faarax Sharmaake ayaa isagu gudoominayya dhagaysiga dacwada dilka taliye Casayr oo horaantii sanadkan lagu diley duleedka magaalada berbera.
Waxaana naloo sheegay in eedaysanayaan maxkamada la hor keenay ee dacwadu ku socotay ay aahaayeen 11 eedaysane oo xukumaddu usoo qabqabatay dilkii taliye Casayr, waxaana sida ilo ka agdhawa dhagaysiga dacwadduna noo sheegeen in eedaysanayaashaa uu ku jira gudoomiye ku xigeenkii hore ee gobolka saaxil mudane Xaamuud.
Gabagabadiina waxa wali la sugayaa go’aanka ay kasoo saarto maxkamadu kiiskan dilkii taliyihii qaybta booliska gobolka saaxil.
