Mudanayaasha baarlamaanka Somaliland ayaa manta u fadhiistay ka doodida xeerkii uu dhawan madaxwaynaha Somaliland u gudbiyay golaha wakiilada Somaliland ee ku saabsana in goluhu wax ka badal iyo kaabis ku sameeyo xeerka diiwaangalinta codbixiyayaasha oo mudooyinkii u danbeyeyba muran xoogani ka tagnaa
Waxaana kalfadhigan lagaga doodayay ansixinta wax ka badalka xeerka diiwaangalinta codbixiyayaasha hogmaaninayay gudoomiyaha golaha wakiilada Somaliland mudane Cabdiraxmaan Maxamed Cabdilaahi “Cirro”.
Waxaana kalfadhigan oo ay badiba kazoo xaadireen mudanayaasha golaha baarlamaanka Somaliland loo qaybiyay qoraal ku saabsan in xildhibaanadu ka doodaan ansixinta waxka badal iyo kaabis lagu sameeyo xeerka diiwaangalinta.
Gudoomiyaha golaha wakiilada Somaliland mudane Cabdiraxmaan Maxamed Cabdilaahi “Cirro”oo furay kalfadhigan uu sheegay in mudanayasha golaha loo qaybin doono waraaqo isla markaana ansixinta xeerka layskugu soo noqon doono maalinta bari ah hadii alle idmo.
Kalfadhigan manta u furmay golaha baarlamaanka Somaliland ayaa waxa lagaga doodi doonaa sidii loo ansixin lahaa in xeerka diiwaangalinta codbixiyayaasha wax ka badal iyo kaabis lagu saameeyo taasi oo uu dhawan madaxwaynaha Somaliland usoo gudbiyay aqalka golaha wakiilada Somaliland.
