War deg deg ah oo hada soo gaadhaya xafiiska warqabadka ee shabakada Codka somalilans ayaa waxaa ay sheegayaan in gudida komishanka doorashoyinka Somaliland ay shuurdo adag ku xidheen in la hakiyo diwaangalinta cod bixiyaasha oo shalay la soo jeediyey waxaana ay hordhigeen qodobadan madaxwaynaha somaliland .
Waxaana shir ay manta yeesheen gudida komishanka doorashooyinku ay isla qaateen in qodobo doora oo la xidhiidha arimaha dib udhiga diiwaangalinta ay hor dhigaan madaxwaynaha Somaliland.
Waxaana wararku ay intaa ku darayaan in gudida komishanku hor dhigeen qodobo doora isla markaana ay ka mid yihiin qodobadan
1)In ay xukuumada Somaliland damaanad qaado dib u dhac ku iman kara doorashooyinka.
2) In ay xukuumadu damanaad qaado lacagta khasaareysa ee loogu tallo galay shaqaalaha diiwangalinta iyo waxyaalaha kale ee la taxaluqa diiwaangalinta codbixiyayaasha isla markaana loo qoondeeyey in ay ku baxayso labadan bilood ee la hakinaayo lacag qadarkeda lagu qiyaasay 1 Million oo Dollor iyo qodobo kale oo aan laakiin hada nasoo gaadhin.
wararka ayaa waxay intaa ku darayaan in gudida komishanka doorashooyinka qaranka ay canaan badan kaga timi dhanka deeq bixiyayaasha calaamiga ah ee iyagu qaybta ka ah qabsoomida diiwaangalinta iyo doorashooyinka dalka iyaga oo ku adkeeyey inay dawladu ay damaanad qaado qodobadaa iyo kuwo kale oo aan wali nasoo gaadhin.
Waxaana sida ay wararkan sheegayaan ay xukumadda qodobadan la horkeenay ay ku noqotay laf dhuun gashay.
Mar aan isku daynay inaan la xidhiidhno gudida komishanka ayaanay noo suurto galin telefoonkooda oo xidhan awgood.
