Gudoomiye ku xigeenka Saddexaad ee xisbiga mucaaridka ah ee UCID Muj. Cali Yuusuf Axmed (Cali Gurey) waxaa uu ka hadlay warqad ay dawlada Somaliya sheegtey in uu u soo qorey wasiir Cali Waran Cade.
Waxaana uu sheegay Cali Gurey In Cali Waran Cade oo ay ka suurtowdo in uu qorey warqadaasi isla markaana isagu Cali Gurey ahaan uu aaminsan yahay in uu Gen.Geefow oo run sheegayo Waran cadana uu warqadasi qorey waxaana uu yidhi .
“Cali Waran Cade sababta uu u dhimanaayo ee ilaa Xamar uu warqadaha ugu qoraayo waa hunguri , Gaafow baa run sheegaya waayo waxaan aqanaa Cali Waran Cade waxaas iyo wax ka xumina waa qof ay ka suuroobaan Waad arkeyseen markii uu ka jawaabaayey hadalkii geefow waxii uu warbaahinta ka lahaa anigu halkan ka odhan kari maayo oo waxaas ba umad masuul u ah oo waliba wasaaradii ugu miisanka weyneed masuul ka ah yaa odhan karaya “ ayuu yidhi
Sidoo Kale Muj.cali Gurey oo hadalkiisii sii wata ayaa waxaa uu sheegay in Wasiir Waran Cade uu umadii oo dhan inagu diray isla markaana uu qaato uu jeebkiisa ku dhacdo lacago aan loo sharciyeen waxaana uu yidhi .
“Cali Warancade waxaa uu ku fanaa Somaliya ayaan necebahay baastada ayaan necebahay ilmo yar oo toban jir ah baa ka caqli badan Cali Waran Cade umadii oo dhan buu inagu diray , waxba ma taro waana leynagu soo habaarey , passporka ayey lacagi u saaran tahay oramada la diwaan galinayo ayuu lacag ka qataa looma sharciyeen, markaas waxan uu guranaayo ha gurtee waxuu kaga darey dadkan uu caayaayo”Cali Guray
Ugu danbeyntii Mujaahid Cali gurey Waxaa uu madaxweyne Siilanyo ugu baaqey in uu xilka ka qaado Wasiir Waran Cade isla markaana aanu u qalmin xilka uu qaranka u hayo oo uu ku ku dhex haftey waxaana uu yidhi.
“anigu Cali Gurey ahaan waxaan leeyahay madaxweyne qofkan xilka ka qaad ceeb ayey ku tahay adiga iyo umadan Somalilandba in aad wasaarada arimaha gudaha Cali waran cade wasiir ka ahaado hadii kale gidaaradii uu cad cadeen jiray u dhiib “ ayuu yidhi Muj. Cali Gurey.
