Brazil: Shacabka oo codsaday in xilka laga qaado Madaxweyne Dilma Rousseff

Boqolaal kun oo qof ayaa ka qeyb qaatay banaanbaxyo ka dhacay magaalooyinka waaweyn ee dalka Brazil, mudaharaadkaasi oo ay shacabka ku codsanayeen in xilka laga qaado Madaxweynaha Dilma Rousseff oo lagu eedeeyey Musuq Maasuq.

Banaanbaxyada ayaa xoogooda ka dhacay magaalooyinka waaweyn sida Sao Paulo iyo Rio de Janeiro, dadka ayaa socod dheer ku maray bartamaha magaalooyinka dalkaasi Brazil iyagoo ku dhawaaqayo erayo lagu cambaareenayo haweenayda Madaxweynaha ka ah dalkaasi.

Brazil-Banaanbax

Bilihii lasoo dhaafay ayaa waxaa isa soo tarayey fadeexooyin la xariira musuq maasuq baaxadleh oo ay ku kaceen xisbiga talada haya xubno kamid ah oo horey mas’uuliyiin uga soo noqday dowlada, waxaana fadeexada musuq maasuqa ugu weyneyd shirkada shidaalka ee dalkaasi oo la sheegay inay sanado lasoo dhaafay ku takri faleen xubno kamid ah xisbiga Dilma Rousseff.

Brazil-Banaanbax

Madaxweyne Dilma Rousseff oo sanadkii lasoo dhaafay mar 2aad ku guuleysatay doorashada ayaa weli diidan inay xilka ka degto, iyadoo horey u balan qaaday inay ku dhaqaaqi doonto la dagaalanka musuq maasuqa, walow mucaaridka dalkaasi uu sheegayo in Madaxweynaha uu gebi ahaan dhumiyey taageerada shacabka isla markaana Xil ka qaadis lagu sameeyo ama ay iyadu xilka isaga degto.

Comments

comments