Nin hubeysan ayaa maanta oo Sabti ah magaalada Napels ee dalkaasi Talyaaniga ku dilay afar qof oo uu ku jiro walaalkiis.
Ninkan oo 48 sano jir ayaa la sheegay inuu weerar ku qaaday gurigii uu degenaa nin walaalkiis ah oo 52 sano jir ah, wuxuuna toogasho ku dilay walaalkii iyo xaaskiisa.
Kadib weerarkan ayuu ninkan rasaas ooda uga qaaday dhamaan dadkii marayey wadad xaafadaasi, isagoo adeegsanaya bistoolad iyo qori uu watay.
Wuxuuna dilay sarkaal Booliiska la shaqeeya oo isku dayey inuu qabto iyo nin kale oo rayid ah oo wadada marayey.
Waxaa weerarkan ku dhaawacmay lix qof oo kale oo ay ku jiraan labo askari oo booliis ah.
Ninkan ayaa la sheegay inuu is dhiibay kadib markii telefonka lagula hadlayey muddo 40 daqiiqo ah.
