Gaari ka mid ah kuwa UN-ka oo lagu xiray walxaha qarxa ayaa ku hor qarxay afaafka xarunta UN-ka ee Garoowe, waxaana dhaawac iyo dhimasho ka soo gaaray shaqaale ka tirsan xarunta UN-ka.
Sida wararka ku helayno Dadka ku dhintay Qaraxan ayaa gaaraya ilaa todobo qof oo ka mid ah shaqaalaha UN-ka, shan ka mid ah ayaa sida la sheegay ka mid ah shaqaalaha Ajaaniibta ee ka shaqaynayey xarunta UN-ka, labada kalana waa Soomaali ka mid ah shaqaalaha UN-ka.
Gaariga Qaraxa lagu rakibay ayaa ka mid ahaa baabuurta u shaqaysa xarunta UN-ka Garoowe.
Laamaha amaanka Garoowe iyo maamulka wali kama aysan hadlin qaraxan lala eegtay qaariga Un-ka, waxaana hadal haynta qaraxan uu ku badan yahay saaka Puntland iyadoo qaraxan uu yahay mid kii ugu horeeyey oo noociisa ah oo ka dhaca Garoowe lana eegto gaari u shaqeeya Xarunta UN-ka Puntland.
Just in: #Pictures of the #UN staff bus targeted earlier this morning with heavy explosion in #Garowe. #Somalia. pic.twitter.com/h2XNgeAzD0
— Abdihalim Bashir (@Hornexpert115) April 20, 2015
Waa qaraxii ugu weynaa ee lala beegsado Qaramada Midoobay xaruntooda Puntland, waxaana bilihii lasoo dhaafay si weyn loo adkeeyey amaanka xarunta Qaramada Midoobay ee Garowe, walow aan la aqoon habka bambada loogu xiray gaarigan ay raaci jireen shaqaalaha UN-ta.
Wararka ku soo kordha la soco Wargane News
