Somalia:Madaxweynaha Jabuuti Ismaaciil Geele oo Muqdisho ka degay

Madaxweynaha Jamhuuriyadda Jabuuti Ismaaciil Cumar Geele iyo wefdi uu hoggaaminaayo ayaa maanta oo Sabti ah ka degey garoonka diyaaradaha ee Adan Cadde magaalada Muqdisho.

Madaxweynaha Jamhuuriyadda Federaalka ah ee Soomaaliya Xasan Shiikh Maxamuud ayaa dhigiisa Jabuuti Ismaaciil Geele ku soo dhaweeyey garoonka diyaaradaha, waxaana uu salaan sharaf ka qaatey ciidamada bambeyda tuma.

ismail gheele

Madaxweyne Geele ayaa Muqdisho u tegey in uu ka qayb-galo xuska maalinta afka Hooyo oo ku beegan maanta 21 Febarayo 2015, Waxaana xus ballaaran loogu dhigayaa magaalada Muqdisho afka Soomaaliga.

GEELE1

Madaxweynaha Dalka Jabuuti Ismaaciil C. Geele ayaa kaalin mugleh ka qaatey in bur-bur laga ilaaliyo af-Soomaaliga kadib markii Qarankii Soomaaliya bur-burey 1991, waxaana dalkiisu hoy u noqday af-maal iyo qalinleyda Soomaaliyeed, kuwaas oo qaarkood uu ku sharfey in ay helaan dukumenti ay dalalka dibadda ah ku tegi karaan.

DSC06402

Madaxweynayaasha Soomaaliya iyo Jabuuti ayaa si wada jir ah u tegey xarunta Akadeemiyad Farshaxanka, Dhaqanka iyo Luuqada halka laga dhisaayo.

Madaxweyne Geele ayaa maanta lagu sharfay in uu dhagax dhigo Akadeemiyadda Farshaxanka, Dhaqanka iyo Luuqadaha oo laga dhisaayo degmada Shangaani ee magaalada Muqdisho.

Imaanshaha Geele ee Muqdisho ayaa ku soo beegmeysa xilli maalintii shalay u ka dhacay magaalada Muqdisho weerar laga argagaxay kaas oo ay ku dhinteen dad ku dhaw 20 qof, ayna ku dhaawacmeen dad ka badan 40 qof.

Amniga Madaxweyne Geele waxaa la wareegay ciidamada dalka Jabuuti ka socda ee ku jooga Soomaaliya magaca AMISOM, waxaana maalmo ka hor soo gaarey Soomaaliya taliyaha guud ee cidanka dalka Jamhuuriyada Jabuuti.

Dalka Jabuti waxa xornimadda qaatey sanadkii 1977, waa dal yar oo ku yaala xeebta badda cas, dadka degan badankood waa Soomaali, waxaana soo raaca Canfar iyo Yemen.

Comments

comments