Diyaaraddo dagaal loo maleynaayo in laga leeyahay dalka Kenya ayaa duqeymo ka geystay duleedka magaalada Kismaayo oo ay la beegsadeen goobo ay ku sugnaayeen maleeshiyaad ka tirsan ururka al-Shabaab.
Wararka ayaa sheegaya in duqeynta ay ka dhacday degaanka Yoontooy oo ilaa 15-km u jirta magaalada Kismaayo, waxaana aagas dhowaanahan uu ka socday dagaalo u dhaxeeya Ciidamada maamulka Jubba iyo kuwa Kenya oo ka tirsan AMISOM iyo maleeshiyada al-Shabaab.
Lama yaqaano khasaaraha ka dhashey duqeynta, mana jiraan wax war ah oo kasoo baxay saraakiisha Ciidamada Kenya ku sugan gobolka Jubbada hoose.
Sabtidii lasoo dhaafay ayay ahayd markii diyaarado aan la aqoon duqeeyeen degaan ka tirsan gobolka Shabeelaha hoose oo ay ku sugnaayeen maleeshiyaad al-Shabaab ah, waxaana Gudoomiyaha gobolka shabeelaha hoose uu sheegay in lagu dilay duqeynta ay geysteen diyaaraddaha aan cidna (drones) ku dhinteen ugu yaraan 45-dagaalyahan oo ka tirsan al-Shabaab.
