Seedigay wax soo sii
Soddogayna sooryee
Miiddaa wax iga sii
Haddii kale waxbaa siya!
Haddaan saaka lay siin
Iminkadatan lay siin
Kumanaankun lay siin
Sacabbada dux lay marin
Ogoobey wax baa siya!
Qalinkaygu waa seef
Sumcadaada loo qoray
Adigaana sixi kara
Sunuudaad u haysaa
Sillanaan ka jiri kara
Haddii kale wax baa siya!
Suxufiga mas’uulka ah
Oogada sareetiyo
Sumaddaan wadaagnaa
Wax kaleeto nama simin
Halka uu ka sugan yahay
Sillan weeye taayadu
Sarkalleef hunguri-doon
Dillaal saylad joogaan
Salsallaabay qaylada
Sifihiisa leeyahay
Sababtoo ah Moogoow
Warku waa sabeentay
Nin kastoo wax saanyaday
Haddii aanu iga sabin
Sunta qalinku qaayibay
Durbadiiba lay siin
Ogoobey wax baa siya!
Mohamed Somali
Hargeisa
