Ma khilaaf ba Ka Dhexeeya Wasiirka iyo Wasiir Ku-xigeenka Waxbarashada
Page-ka Facebook-ga ee Wasaaradda Waxbarashada iyo Sayniska, ayaa u muuqda mid uu saameeyey khilaaf la weriyey inuu ka dhex jiro masuuliyiinta u sareysa Wasaaraddaasi.
Khilaafkan oo ah mid huursan oo aan bannaanka u soo bixin, balse laga dareemayo guddaha Wasaaraddaasi ayaa waxa tuhunka khilaafka masuuliyiintan sii xoojiyey markii dhawaan Wasiir kuxigeenka Wasaaradda Waxbarashadu shaqada ka joojiyey Guddoomiyaha Waxbarashada ee Gobolka Hargeysa, xilli Wasiirka Wasaaraddaasi Hargeysa joogay.
Page-ka Wasaaradda Waxbarashada ee lagu baahiyo wararka masuuliyiinta Wasaaraddaas ayaa waxa si weyn loogu baahinayaa wararka Wasiir kuxigeenka iyo kulamada uu yeesho, halka aan lagu dhex arag Page-kaas warar la xidhiidha Wasiirka Waxbarashada Axmed Toorno.
Sidoo kale page cusub oo wata magaca Wasaaradda Waxbarashada iyo Sayniska oo dhawaan la sameeyey, ayaa lagu baahiyey warar Wasiirku leeyahay
Khilaafkan Wasaaradda ayaana u muuqda kuwo saameeyey baraha bulshada ee Wasaaradda Waxbarashada
