Ugu yaraan lix qof ayaa lagu soo warramayaa in ay ku geriyoodeen shil gaadhi oo ka dhacay duleedka galbeed ee magaalada Hargeysa gaar ahaan kaantaroolka magaalada Abaarso. Dhaawac ayaa isaguna sidoo kale jira.
Wararku waxa ay sheegayaan in gaadhigan oo qaad siday isla markaasina xawaare sarre ku socday uu jiidhay gaadiid taagnaa kaantaroolka dhinaciisa. Dadkii dhaawaca ahaa ayaa loo soo qaaday magaalada Hargeysa. Tirada dhaawaca ayaan iyana sidoo kale la xaqiijin ilaa hadda balse waxa jira dad ku dhaawacmay shilkan.
