= Yaa fajaasay caashaqa ,Farihiisa ula tegay ?=
Badda yaa fandhaal darey
Fidmadiyo xajiinta ah
Faynuuska yaa shiday
Sudhan faras maagalaha ?
Kalgacaylkii faafee
Xidada ku fidayee
Fanaxyada wadnaha iyo ,
Halbawlaha ku foognaa .
Foorihii aloosnaa ,
Filashadii maxaa helay ,
Yaa fajaasay caashaqa
Farihiisa ula tagay ?
Boogta lama filfiliyoo
Lama farareeyee
Faysbuuga sheekada
Fagaaraha maxaa dhigay ?
Naxariistii foolkiyo ,
Faayaha ku taalee
Farxadiyo sedka ahayd
Maxaa feeniyee tiray .
Foorihii Aloosnaa ,
Filashadi maxaa xalay
Yaa fajaasay caashaqa
Farihiisa ula tagay ?
