Kulanka ugu adag Premier League-ga waxa uu toddobaadkan dhexmari doonaa Chelsea iyo Manchester City.
Labadan naadi oo ka mida kuwa sida adag ugu loolaaya ololahan Premier League-ga ayaa ahdaaf kala duwan ku kala leh kulankan.
City hadii ay badiso waxa ay Chelsea ka sarreyn doontaa 6 dhibcood oo saafi ah halka ay ay Blues badiso ay isku dhibco noqon doonaan.
Maxaa ka cusub labada naadi?
-David Luiz wali wuu ka ganaaxan yahay waxaase bedeli doona Andreas Christensen.
– Danny Drinkwater waa dhaawac ilaa iyo inta laga soo laabanaya kulamada qaramada.
-Pedro wuu soo laaban doonaa kaddib markii uu seegay kulankii Atletico Madrid.
-Is bedelo kooban ayuu ku qasbanaan karaa Conte in uu sameeyo.
Man City
– Benjamin Mendy waxa uu wajahayaa dhaawac muddo dheera oo uu garoomada uga maqnaan doono waxaase booskiisa ka dheeli doona midkood Danilo ama Fabian Delph.
– Vincent Kompany uma safan City tan iyo dabayaaqadii Agoosto uma muuqdo mid boos heli doona.
– Sergio Aguero waxaa jabtay feedh taas oo seejin doonta kulankan adag.
RAADRAAC
-Chelsea 10 ka mida 12kii kulan ee ugu dambeeyey Premier League-ga wey badisay.
-Manchester City 9 ka mida 10kii kulan ee ugu dambeeyey Premier League-ga wey guuleysatay.
-City 5 ka mida 7kii kulan ee ugu dambeeyey shabeeqa gool wey ka ilaalisay
