Liverpool ayaa Anfield ku soo dhawanaysa kooxda ree Spain ee Sevilla oo ay wali ugu cadhaysan tahay guuldaradii finalkii Europa Leaque ee 2016 kii. Jurgen Klopp ayaa markii ugu horaysay Liverpool kala soo muuqanaya tartanka xiisa badan ee Champions Leaque, waxaana markale la dareemi doonaa xamaasadii Anfield ee habeenadii xusuusta lahaa ee Champions Leaque.
Anfield ayaa caan ku soo noqday habeeno taariikhi ahaa oo ay Liverpool ku soo ciyaartay Champions Leaque waxaana la filayaa in jamaahiirta Reds ay markale dib u xusuustaan xamaasada UCL. Liverpool ayaa xili ciyaareedkan dib ugu soo laabtay Champions Leaque waxayna ka soo gudubtay kulaadii isreeb reebka ee ay soo gashay.
