Daafaca kooxda Juventus ee Andrea Barzagli ayaa fariin u diray asxaabta kooxdiisa ka hor kulanka Real Madrid ee Final-ka Champions League.
Andrea Barzagli ayaa uga digay ciyaartoyda kooxdiisa inay is liidaan kulanka Real Madrid, wuxuuna sheegay inay waajib tahay difaacida sharafta Juventus.
Wuxuu intaa sii raaciyay in kooxdiisu ay u qalantay inay laba Final ka soo muuqato 3-sano gudahood, wuxuuna sheegay in markaan ay aad ugu baahi qabaan ku guulaysiga koobka horyaalada yurub.
“Sifiican ayaan u garanaynaa qiimaha kooxdaan, waa inaan sifiican u ciyaarnaa, 3-sano gudahood ayaan soo gaarnay laba jeer Final-ka Champions League taasna waa mid aan u qalanay” ayuu yiri Andrea Barzagli.
“Wax walba oo karaankeena ah ayaan samayn doonaa Final-kaan, waxaan rajaynayaa inaan taageero badan ka heli doono taageerayaasha kooxdeena ee aduunka oo idil”.
“Waxaan ku guulaysanay xiliciyaareed kaan horyaalka iyo Coppa Italia, haatan waxaan tabaynaa koobka ugu muhiimsan”.
