Wafti uu hoggaaminayo Madaxweynaha dowladda federaalka Soomaaliya Maxamed C/laahi “Farmaajo” ayaa u ambabaxay dalka Turkiga oo casuumad rasmi ah ka helay madaxweynaha turkiga Rejeb Dayib Erdogen
Booqashadaan oo saddex maalmood ah waxaa Madaxweynaha ku weheliyay mas’uuliyiin ka tirsan golaha Wasiirrada iyo Xildhibaanno, waxaana halkaasi ay kula kulmi doonaan madax kala duwan oo ka tirsan dowladda Turkiga.
Wasiirka Arrimaha Dibadda Soomaaliya Yuusuf Garaad Cumar oo warbaahinta kula hadlay Garoonka diyaaradaha ee Magaalada Muqdisho, ayaa sheegay in Madaxda labada dowladooda ay ka wada hadli doonaan xiriirka labada dal iyo iskaashiga.
Gabagabadii, Booqashada madaxweyne farmajo ayaa noqonaysaa tii shanaad tan iyo markii loo doortay madaxweynaha Soomaaliya 8 febraayo 2017.
