Siyaasi Maxamed Nuur Caraale Duur oo hore Xukumada Madaxwayne Siilaanyo uga soo qabtay xilka Wasiirka arimaha Gudaha Somaliland haatana ka mid ah Saraakiisha sar sare ee xisbiga Mucaaridka ah ee Waddani ayaa ka Degay Caasimada Dalka Somaliya ee Muqdisho.
Siyaasi Maxamed Nuur Caraale Duur ayaa ujeedada socdaalkiisa ee Magaalada Muqdisho waxa Uu ku sheegay mar uu la hadley warbaahinta somaliland in uu socdaalkiisu khuseeyo dano shakhsi oo gaar ah dhawaana si dhakhso ah uu dib ugu soo laaban doono Dalka Somaliland.
Masuuliyiin badan oo xilal kala duwan ka soo qabtay Xukumada Siilaanyo iyo kuwa haatan ka haya ayaa haatan jooga Magaalada Muqdisho xilli la filaayo in dhawaan uu Raysal Wasaaraha Cusub ee Somaliya Xasan Cali Khaire soo dhiso Xukumadiisa.
