Shirka Madasha Hoggaamiyeyaasha Dowladda Federaalka iyo Dowlad Goboleedyada Soomaaliya ayaa weli si habsami leh uga socda Muqdisho, iyadoo la rajeynayo in beri si rasmi ah loo soo afjaro.
Ilaa iyo haatan waxaa uu shirku ku tallaabsadey horumar la xiriira dedejinta arrimaha doorashada lagu wado inay sannadkan dalka ka dhacdo, sida meel marinta miisaaniyadda doorashada, hannaanka mataaladda Aqalka Sare ee gobolka Banaadir, iyo xubnaha ka iman doona beelaha ka soo jeeda Somaliland.
Waxaa sidoo kale la isku afgartey in deg-deg loo soo dhiso maamulka ka dhexeyn doona gobollada Shabeellaha Dhexe iyo Hiiraan, iyo in si buuxda loo taageero hawlaha guddiga doorashada ee heer federaal oo xil weyn iska saaray sidii doorashadan ay u najixi lahayd.
Jadwal qabyo ah oo saxaafaddu aragtey ayaa lagu qeexay in doorashada Afhayeenka baarlamaanku dhacayso dhamaadka bisha Oktoober, halka tan Madaxweynuhu dhacayso horaanta Nofeember.
Shirkan ayaa waxaa ka qeybgalaya Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, Ra’iisul Wasaare Cumar Cabdirashiid Sharma’arke, Ra’iisul Wasaare Ku-Xigeenka, Maxamed Cumar Carte iyo madaxda dowlad goboleedyada dalka ka dhisan.
Waxaa la filayaa in gebagabada shirka laga soo saaro war murtiyeed qeexaya qodobada la isku afgartey.
Jadwalka hoos ka akhri:
| TAARIIKHDA |
SHAQADA |
MASUULIYADDA |
| 4-6 Agoosto |
- Dhammeystirka iyo howlgelinta Guddiga Doorashada Dadban ee heer gobol (SIEIT)
- Ansaxinta tirada oday-dhaqameedyada tagaya goobaha dorashooyinka ay ka dhacayaan (tusmaynta madax dhaqameedyada )
- Musharaxiinta hadii kursi hal qof keliya u soo tartamo maxaa laga yeelaayaa?
- Ansaxinta waajibaadka shaqo (TOR) Guddiga xallinta Khilaafaadka iyo Magacaabida xubnaha guddiga
|
| 4-6 Agoosto |
- Dhammeystirka iyo howlgelinta Guddiga Doorashada Dadban ee heer gobol (SIEIT)
- Ansaxinta tirada oday-dhaqameedyada tagaya goobaha dorashooyinka ay ka dhacayaan (tusmaynta madax dhaqameedyada )
- Musharaxiinta hadii kursi hal qof keliya u soo tartamo maxaa laga yeelaayaa?
- Ansaxinta waajibaadka shaqo (TOR) Guddiga xallinta Khilaafaadka iyo Magacaabida xubnaha guddiga.
- Go’aan ka gaaridda hannaanka iyo goobta lagu soo dooranayo xubnaha labada aqal ee Somaliland; Shabellaha-dhexe & Hiiraan (hadii aysan dhisnayn ka hor xiliga doorashada);
- Guddiga matalaadda xubnaha Aqalka Sare ee gobolka Banadir iyo howl-galintooda
- Dhammeystirka iyo howlgelinta Guddiga (Task Force-ka) ka shaqayn doono amniga dorashooyinka;
- Habraac lagu xaqiijinaayo qoondada Haweenka ee 30% ee labada aqal ee Barlamaanka;
- Ansaxinta iyo Go’aan ka gaarista iyo soo bandhigidda Qorshe howleedka waqtiyeeysan iyo
|
| 7-13 Agoosto |
- Diyaarinta Xafiisyada GDGDD ee Xarumaha Doorashada
- MHQ
- MHQ
|
| 14 Agoosto -20 Agoosto |
- Tababarka Guddiyada doorashooyinka federal iyo heer maamul Goboleed (GDGDD)
- (Mudadan waxay isugu jirtaa Imaanshaha iyo Noqoshada) GFHDD/QM –
|
| 21 Agoosto – 24 Agoosto |
- Tababarada 135 Madax dhaqameedyada
- Qaadashada warqadaha Aqoonsiga .
|
GDGDD/GFHDD |
| 25 Agoosto – 10 Siteembar |
- 135 ta Madax dhaqameed ayaa soo gudbinaya liiska magacyada ergada
- Xalinta Khilaafaadka ee Ergooyinka
- Shaqaalaynta iyo tababarada howlwadeenada doorashooyinka Madax Dhaqameedka
|
GDGDD/GFHDD |
| 25 Siteembar |
- Dhisida iyo soo gudbinta xildhibanada Aqalka Sare ee Dowlad Goboledyada dhisan ugu dambayn bisha Siteembar 25-da, 2016 MHQ
|
MHQ |
| 11-30 Siteembar |
- Baahinta Waqtiga Diiwaangalinta Musharixiinta
- Hubinta shuruudaha Musharaxa iyo DiiwaangalintoodaDiiwaangalinta Korjoogtada
|
GFHDD |
| 01-14 Oktoobar |
- Doorashada Golaha shacabka
|
GDGDD/GFHDD |
| 15- 17 Oktoobar |
- Hubinta iyo ku dhawaaqidda natiijada kama dambaysta ah
|
GFHDD |
| 18 Oktoobar |
- Dhaarinta Golaha Shacabka Maxkamadda Sare
|
Maxkamadda Sare |
| 28 Oktoobar |
- Doorashada Guddomiyaha Baarlamaanka
|
Baarlamaanka |
| 07 Nofeembar |
- Doorashada Madaxweynaha Jamuuriyadda Federalka Soomaliya
|
Baarlamaanka |
Fasiraada erayada la soo gaabiyey:
MHQ: Madasha Hogaanka Qaran
GFHD: Guddiga Heerka Federaal ee Hirgelinta Doorashooyinka Dadban
GHDG: Guddiyada Hirgalinta Doorashada Dadban ee Heerka Dowlad Goboleed
Related
