Wasiirka arrimaha gudaha Cali Maxamed Waran-cadde iyo wefti uu hoggaaminayo ayaa gaadhay deeganada banka qoolcaday,kadib markii ay saaka halkaasi ka dhaceen iska hor imaadyo u dhaxeeyey ciidamda booliska “birmadka”iyo koox u hubaysan oo deegaanka ka soo jeeda,kuwaas oo diidan in la hirgeliyo seeraha banka qoolcadey,isla markaana ay is rasaasayni dhexmartay ciidanka iyo kooxda hubaysan,taas oo sababtey khasaare dhawac labada dhinacba ah.
Wasiirka arimaha gudaha Cali warancade ayaa waxa kamid ah weftiga uu hoggaaminayo ee gaadhay seeraha banka qoolcadey, wasiirka xanaanada xoolaha Cukuse iyo Taliyaha ciidanka booliska somaliland C/laahi fadal iimaan iyo weliba qaar kamid ah odayaasha dhaqanka ee ka soo jeeda deegaanada Sallaxlay iyo banka qoolcadey.
Dhanka kalena khasaaraha ka dhashay is rasaasaynta ku dhexmartey banka qoolcadey maanta ciidamada booliska iyo maleeshayida hubays, ayaa la sheegay in dhanka ciidanka booliska uu dhawac ka soo gaadhay saddex askari,halka kooxda maleeshiyada ahna laga dhaawac laba qof,ma jiro wax khasaare dhimasho ah oo ilaa hadda la xaqiijiyey,iyadoo ay xusid mudan tahay in ay hadda xaaladu degan tahay,isla markaana ay nabdoontahay.
