Siyaasi Cali-Gurray Oo Ka Hadlay Garoomadda Kubadda Cagta Ee Dawladda Hoose Siffaha Qaldan U Wareegtay.
Guddoomiye ku-xigeenka saddexaad ee xisbiga UCID, Muj. Cali Maxamed Yuusuf (Cali Gurey) ayaa ka hadlay garoon la sheegay in uu dhistay xildhibaan Dogox oo ku yaalla xaafadda Masalaha ee Koonfurta magaalada Hargeysa. Masuuliyiinta wasaaradda ciyaaraha oo dhamaystiran ayaa Sabtidii baabi’iyey sees ay sheegeen in uu garoonka ka bineeyey Xildhibaan Dogox oo ka mid ah Golaha Deegaanka ee Hargeysa, waxaana ay ku doodeen in dhulkaasi uu yahay garoon uu Mayarkii hore ee Hargeysa, Eng. Xuseen Maxamuud Jiciir uu wasaaradda ku wareejiyey. Haddaba Muj. Cali Gurey oo arrintan ka damqaday ayaa qoraal kooban oo uu bartiisa Facebook ku baahiyey waxa uu ku sheegay in uu la dhacsan yahay in garoon ay ahaato halka uu xildhibaanku dhismaha ka bineeyey, isagoo xusay in garoomadii laga wada sheegtay dhallinyarada. Hadalka Muj. Cali Gurey, waxa uu u qornaa sidan: “Dhalinyaradu ha ku ciyaarto iyo ku ciyaari mayso anigu ha ku ciyaarto ayaan raacsanahay. Hadaa ma bidaarta Caligurey bay ku ciyaaraan hadii meel kasta laga sheegto. Waar naga daa Allayleh birihii ha lagu soo celiyo eh.”
