Sida uu warbixintiisa ciyaarta ku qoray garsoore Martínez Munuera kadib ciyaartee ceebta, foolxumada iyo dagaalka badan uu ka dhacay ee xalay Camp Nou ay Barcelona ku garacday Espanyol lugta koowaad ee Copa del Rey Luis suarez ayaa ahaa kiciyaha dhibaatadii ka dhacday garoonka banaankiisa.
Garsooraha ayaa qoray in markii ay ciyaarta dhamaatay uu Luis Suarez u raacin saaxibadiisa kooxda qolka labiska laakin taasi badalkeeda uu istaagay jaranjarada (Salaanka) garoonka looga baxo isago sugayay ciyaartooyda kooxda Espanyol gaar ahaan Papakouli Diop kadibna uu ku yiri “Kaalay adiga ayaan ku sugaayaahe, ha cabsan, hooyadaa waa islaan Dh*lo ah, adna waxaa tahay qashin”
Martínez Munuera oo ahaa garsoorihii ciyaartaan dagaalka badneyd ayaa sidaasi ku daabacay warbixintii ciyaarta una gudbiyay gudiga garsooreyaasha xiriirka kubada cagta Spain laakin ilaa haatan lama oga waxa dhici kara.
Kadib dagaalkii Suarez iyo Diop, ciidanka amaanka ee garonka ayaa soo kala dhex galay kuwaasoo ku amray labada nin iney u dhaqaaqaan qolka labiska kooxahooda.
Kulankii xalay ka dhacay Camp Nou ayaa lagu tilmaamay inuu ahaa kulan wasaq badan oo an ka turjumeen quruxda ay leedahay kubada cagta iyadoo kooxda sadexda koob ku guuleystay sanadkii hore ee Barcelona lagu eedeeyay ineysan xadidin aqlaaqda ciyaartooyda kooxdooda iska ilow Barca, Espanyol ayaa u muuqatay koox dagal u soo baxday halka garsooraha qudhiisa uu ku guuldareystay inuu ciyaarta si saxn u maamulo.
