Brazil (Warganenews)- Xulka qaranka Netherland ayaa halkii ka sii wada guulihii ay ku doonayeen inay ku hantiyaan koobka aduunka , waxaanay caawa ku burburiyeen xulka qaranka Australia 3-2 , ciyaartii labaad ee Group B ku dhex martay labada xul magaalada Porto Alegre.
Weeraryahanka qaranka Oranje ee Arjen Robben ayaa furay gool dhalinta daqiiqadii 20 aad kubad uu soo jiitayna shabaqa dhigay, waxaase gool aad u qurux badan ku barbareeyey weeraryahanka Tim Cahill daqiiqad kaliya kadib goolkaas Holland.
Australia ayaa u muuqatay mid ka awood badan Dutch-ka , kabtan Mile Jedinak ayaa goolkii labaad oo rigoodhe ahaa ku ruxay shabaqa xulka Holland , hogaankana sidaas ugu dhiibay Australia , laakiin Robin van Persie ayaa Holland u barbareeyey, waxaana goolkii guusha u raaciyey Memphis Depay.
