Hargeysa (Wargane News):-Madaxweynaha Somaliland Md. Axmed Maxamed Maxamuud (Siilaanyo) ,ayaa maanta magacaabay Wakiilka Somaliland u fadhiyi doona dalka Turkiga Madaxweyne Axmed Siilaanyo ,ayaa Digreeto Madaxweyne waxaa uu ku magacaabay Cali Axmed Cismaan (Tuuhe) inuu yahay Wakiilka Somaliland u Fadhiyi doona Dalka Turkiga.
war-saxaafeed ka soo baxay Qasriga Madaxtooyadda Somaliland oo uu ku saxeexan yahay afhayeenka Madaxtooyada Somaliland Axmed Saleebaan Dhuxul, waxaanu u qornayd sidan:-
“Madaxweynaha Jamhuuriyadda Somaliland Mudane Axmed Maxamed Siilaanyo, waxa uu Digreeto Madaxweyne oo sumadeedu tahay, JSL/M/XERM/249-2467/052014 Wakiilka Jamhuuriyada Somaliland u fadhiyidoona dalka Turkiga.
MADAXWEYNUHU:-
Markuu Arkay: Qodobka 90aad, Faqradiisa 3aad, Xarafka (r) ee Dastuurka Jamhuuriyadda Somaliland;
Markuu Tixgeliyey: Ahmiyadda Wakiiladda Somaliland u fadhiya dalalka dibaddu u leeyihiin dhismaha Qaranka;
Markuu Arkay: In baahi loo qabo buuxinta jagada Wakiilka Jamhuuriyadda Somaliland u fadhiya dalka Turkiga;
Markuu La Tashaday: Madaxda ay khusayso;
Markuu Ku Qancay: in uu hanan karo, aqoon iyo kartina u leeyahay jagadan;
Wuxuu go’aansaday
In Mudane, Cali Axmed Cismaan (Tuuhe), laga bilaabo taariikhda maanta uu ahaado Wakiilka Somaliland u fadhiya dalka Turkiga.ALLAA MAHAD LEH.”
