Dawladda Jabuuti ayaa sheegtay in dhammaan rakaabka saaran diyaaradda Turkiga ee ku xannibnayd Jabuuti lagu celin doono dalka Turkiga. Waxa ay Xukumadda Jabuuti sheegtay in aanay wax lug ah ku lahayn arrinta ku saabsan muranka Madaxii hore ee Sirdoonka Soomaaliya Mr Fahad Yaasiin,
“Dhammaan rakaabka saaran diyaaraddii maanta ee Turkiga waxa lagu celin doona dalka Turkiga si loo saaro duulimaad Muqdisho ah,” ayuu yidhi wasiirka arrimaha dibadda Jabuuti Maxamuud Cali Yuusuf oo arrintan kaga hadlay boggiisa Twitter-ka.
Wasiirku waxa uu intaasi ku daray in ay been abuur yihiin wararka ku aaddan in khilaaf u dhexeeyo Soomaaliya iyo Jabuuti, islamarkaana ay barbar taaggan yihiin walaalahooda Soomaaliya.
“Jabuuti wax lug ah ama door ah kuma laha arrintan.Duulimaadku wuxuu sii marayay Jabuuti waxaana loo diiday in uu Muqdisho ka dego, marka waxaanu Turkish Airline u sheegnay in ay dhammaan rakaabka ku celiso Turkiga (iyada oo Fahad Yaasiin ku jiro),” ayuu yidhi wasiirka Dhaqaalaha ee Jabuuti Ilyaas Dawaale oo Horndiplomat u warramay.
All passengers onboard of today’s Turkish flight to Mogadishu will go back to Istanbul to embark on another flight to Mogadishu .
— Mahmoud Ali youssouf (@ymahmoudali) September 17, 2021
Wasiirrada u hadlay Jabuuti ayaa ku dooday in aanay wax lug ah ku lahayn arrintan islamarkaana ay ixtiraamayaan arrimaha gudaha ee Soomaaliya.
Djibouti Strongly Denies Allegations by villa Somalia
Afhayeenka Madaxweynaha Soomaaliya ayaa dawladda Jabuuti ku eedeeyay in ay la taliyaha amniga ee Farmaajo Mr Fahad Yaasiin ku xannibtay madaarka Jabuuti.
Arrinta duullimaadkan ayaa loo arka mid ku sal leh khilaafka Farmaajo iyo ra’isal wasaare Rooble.
Sayruuqnews
