Mourinho oo markale dhaleeceeyay ciyaartoydiisa, kadib barbarihii ay la galeen kooxda Southampton

Tababaraha kooxda Manchester United ee Jose Mourinho ayaa dhaleeceeyay ciyaartoydiisa ka dib kulankii ay barbaraha 2-2 la galeen Southampton ee ka tirsanaa kulamada 14-aad ee horyaalka Premier League.

Wargeyska “Mirror” ee dalka England ayaa wuxuu daboolka ka qaaday wareysi uu bixiyay macalinka reer Portugal ee Jose Mourinho kadib kulankii Southampton

“Ciyaartoydu waxay u muuqdeen kuwo si fiican u dagaalamay, laakiin waxaa ka maqnaa xamaasada ay ku joojin lahaayeen kubada iyo cadaadiska kaga imaanayay kooxda kale”.

“Ma ahayn natiijada aan ka dooneenay kulankan, laakiin waxaan heysanaa waxyaabo badan ee aad u fiican”.

Si kastaba kooxda Southampton ayaa hogaanka u qabatay ciyaarta daqiiqadii 13-aad ee qeybta hore, waxaana u dhaliyay laacibkooda Stuart Armstrong, halka Cedric Soare uu markale daqiiqadii 20-aad ka dhigay ciyaarta 2-0.

Laakiin Manchester United oo kulankan awooday inay hesho barbaro ayaa waxaa gool u dhaliyay Romelu Lukaku daqiiqadii 33-aad, wuxuuna ciyaarta ka dhigay 2-1, kadib Ander Herrera ayaa isla qeybtii hore ciyaarta daqiiqadii 39-aad ee ciyaarta ka dhigay barbaro 2-2.

Comments

comments