Maxaa ka jira in Leroy Sane uu si lama Filaan ah ugu dhaqaaqayo Manchester United??

Leroy Sane ayaa hoos u dhigay wararka sheegaya inuu ku biirayo kooxda Manchester United.

Kooxaha ka wada dhisan Magaalada Manchester ee United iyo City ayaa wada ciyaari doona axada soo socota, Xiddiga reer Germany ayaana ka dhawaajiyay inuusan sinna ugu biirin doonin Red Devils.

Kuwa wax saadaaliya ayaa usbuucii tagay tilmaamay in Sane uu si lama filaan ah ugu dhaqaaqi karo kooxda ay ku coltamaan magaalada Manchester.

Yeelkeede, 22-jirka ayaa si kulul u beeniyay sheekadaa isagoona yiri:

“Ma dhici doonto midaa! Ma dhici doonto,”

Xiddiga oo lagu celiyay haddii uu mustaqbalka ku biiri karo kooxda ka arrimisa Old Trafford ayaa misane yiri:

“Taas marna ma dhici doonto. Dhabtii aadaan ugu faraxsanahay halkan waxaana la joogaa kooxda saxda ah.

Comments

comments