Somaliland: Kaftanka Iyo Dhoola Cadaynta Muuse Biixi Iyo Suldaanka Guud Ee Beelaha Somaliland

160

 “Waxan ballan qaadayaa mudane madaxweyne inaan kuu codeeyo….”Suld. Maxamed

Kaftan xiiso badan oo la isku taageeray, ayaa shalay dhex maray guddoomiyaha xisbiga KULMIYE, ahna murrashaxa madaxweynaha ee xisbiga Md. Muuse Biixi Cabdi iyo suldaanka guud ee beelaha Somaliland Suldaan Maxamed Cabdiqaadir, kuwaas oo madal furan oo ay bulshadu marag ka ahayd ku muujiyey xidhiidhka toolmoon ee u dhexeeya iyo saaxiibtiinimo hore oo u dhaxaysay.

Labada Masuul oo da’ ahaan isku gedo ahaa, isla markaana saaxiibtinimo guun ahi dhexdooda taallo, ayaa ugu horrayn waxa madasha ay ku kaftamayeen hadalkeeda furay suldaan Maxamed oo isagu si cad u sheegay inuu codkiisa ugu deeqi doono murrashax Muuse Biixi, “Waxan ballan qaadayaa mudane madaxweyne inaan kuu codeeyo,” Sidaas waxa yidhi Suldaan Maxamed Suldaan Cabdiqaadir.

Dhinaciisa guddoomiye Muuse Biixi Cabdi, waxa uu sheegay inay suldaanka isku gedo ahaayeen oo ay nolol hore soo wada qaateen, balse uu saldannada la wareegay ay kala shaqo noqdeen, waxana uu yidhi, “Suldaanka berigii hore ee aanu suldaanka noqonin saaxiib bau ahayn oo laba nin oo reer Hargeysa ah oo saaxiib ah baanu ahayn, laakiin intii uu suldaanka noqday xagga dambe Ayaan u kacay.”

Comments

comments