Somaliland: “WADDANI Waxaan Leeyahay Haddii la Idinka Guulaysto Yaanay Ciddi Xamar Idinka Tagin”

123

Siyaasi Jaamac Xaaji Axmed oo ka tirsan Golaha Dhexe ee xisbiga KULMIYE, ayaa sheegay in xisbiga mucaaridka ah ee WADDANI uu quus ka joogo loolan iyo tartaran uu la galo Xisbiga talada haya, ka dib markii uu bulshada taageero ka waayay, taa bedelkeedana uu xisbigaas mucaaridka ahi ku mashquulay kulamo uu la qaatay madaxda Soomaaliya si loo soo celiyo midowgii la eeday.

Jaamac Xaaji Axmed, waxa uu sidaasi ka sheegay xaflad ay magaalada Burco shalay ugu sameeyeen taageereyaal ka soo baxay xisbiga WADDANI oo taageeradooda ula soo hiloobay xisbul-xaakimka KULMIYE, “Reer WADDANI markii ay arkeen mawjadihiinna dadka ahaa ee todobaadyadii hore ka socday Boorama iyo Saaxil ayey quusteen runtii , quustii waa taa geyaysiisay in ay Nairobi tagaan oo ay la kulmaan madaxda dawladda Soomaaliya, iyagoo ka rejo dhigay in ay tartamaan,”ayuu yidhi, waxaanu intaas ku daray; “Xisbi baa tihiin curdin ah, soo barbaara ayaanu idin leenahay haddii aad kuftaan waanu idin gacan qabanaynaa, waayo KULMIYE waa Xisbi waayeel ah oo waxa uu siddeetan cod kaga tanaasulay doorashaddii 2003-tii, isaga oo lexjeclo ka qaba dadkiisa iyo dalkiisa, waxa WADDANI looga werwersan yahay in uu Soomaaliya u hanqal taago.”

“Doorashadii way dhowdahay, waa aynu tartamaynaa, wax yar baa ka hadhay, cidi yaaney Xamar idinka qaban marka doorashadu dhacdo oo yaan la arkin cid Xamar idinkaga sii socoto,”ayuu siyaasigaasi reer Burco ku dooday.

Comments

comments