10ka Kooxood Ee Mushaharka Ugu Sareeya Bixiya Isboortiga Dunida Oo La Soo Saaray – Man United Oo Hogaamineysa Kubada Cagta.

Ciyaartoyda kooxda koowaad ee Manchester United ayaa la sheegay inay yihiin ciyaartoyda mushaharka ugu badan la siiyo kooxaha kubada cagta dunida.

Sida ay sheegtay Daily Mirror, Red Devils ayaa u sarre martay ra’iyi uruurin laga qaaday ku dhawaad 10 kun ciyaartoy isboorti ah oo u ciyaaraya 333 kooxood oo todobo isboorti oo kala duwan ah oo ka dhisan 17ka horyaalo ee ugu qanisan caalamka.

Waxa ay taasi la micno noqotay in Man United mushaharkooda celcelis ah uu sannadkii gaarayo 5.77 milyan ginni waana kan ugu badan dunida kubada cagta inkastoo aysan waqti guulo ah ku jirin haatan, laakiin weli uma dhawa kooxaha kale ee isboortiga caalamka.

Ra’yi uruurintaan ay sameysay Global Sports Salary Surver (GSSS) ayaa sidoo kale lagu ogaaday in celcelis ahaa ciyaartoyda Premier League inay qaataan sannadkii 2.4 milyan ginni, waana lab0 jibaarka lacagta ay qaataan ciyaartoyda ka ciyaara horyaalada waa weyn ee La Liga, Serie A iyo Bundesliga.

Si kastaba, Cristiano Ronaldo iyo Lionel Messi oo labada ka ciyaara horyaalka La Liga ayaa loo magacaabay ciyaartoyda kubada cagta ee ugu mushaharka badan caalamka, iyagoo qaata 18,98 milyan ginni midkiiba sannadkii.

Laakiin 10ka kooxood ee ugu mushaharka badan isboortiga caalamka, kaliya seddex kooxood oo kubada cagta ayaa ku jira inta kale waa kooxo kubada Kolayga ama Baseball.

FG: Lacagta waa celcelis, waxaa la isku daray lacagta xiddigaha ugu mushaharka badan ilaa iyo xiddigaha ugu mushaharka hooseeysa ee koox walba, waxaana loo qeybiyay tirada ciyaartoyda ee kooxdaas joogta, maxsuulka ka soo baxay ayaana noqday celceliska mushahar ee ay koox walba bixiso.

1. Cleveland Cavaliers

Celceliska mushaharkooda: £6.54m

2. New York Yankees

Celceliska mushaharkooda: £5.81m

3. LA Clippers

Celceliska mushaharkooda: £5.78m

4. Manchester United

Celceliska mushaharkooda: £5.77m

5. Barcelona

Celceliska mushaharkooda: £5.64m

6. Portland Trail Blazers

Celceliska mushaharkooda: £5.59m

7. Memphis Grizzlies

Celceliska mushaharkooda: £5.51m

8. Dallas Mavericks

Celceliska mushaharkooda: £5.50m

9. Manchester City

Celceliska mushaharkooda: £5.42m

10. Orlando Magic

Celceliska mushaharkooda: £5.38m

Comments

comments