Arsenal Oo U Jawaabtay Werder Bremen Ka Dib Markii Ay Kooxda Jarmalka Ku Maadeysatay Gunners Xalayto.

161

Arsenal ayaa u jawaabtay Werder Bremen ka dib markii kooxda Jarmalka ay isku dayeen inay Arsenal ku duraan seddexleydii uu dhaliyay xiddigooda hore Serge Gnabry.

Xiddiga Gunners ku hungoobay ayaa u saxiixay kooxda Bundesliga ka dhisan xagaagii la soo dhaafay, isagoo seddexleey dhaliyay kulankiisii ugu horeysay ee xulka waa weyn ee Jarmalka ee kulankii xalayto ay 8-0 ku xasuuqeen xulka liita ee San Marino.

Bremen oo lacag gaareysa 4 milyan ginni ku qarashgareysay saxiixa Gnabry ayaa xusuusisay Arsenal sida uu u fiican yahay da’ yarkaan.

gnabry1 gnabry2

Waxa ay qoraal ay soo dhigeen Twitter ay ku lifaaqeen kooxda Arsenal iyagoo ka hadlayay afar qodob:

1- Kulankiisii ugu horeysay ee Jarmalka

2- Seddexleey uu dhaliyay

3- Guul 8-0 ah

4- Arsenal

Waxaana qoraalkaas loo qaatay dhowr micno tan hore inay xusuusinayaan Arsenal xiddigii ay iska fasaxeen xagaagii iyo sida uu u fiican yahay iyo sidoo kale inay booska afaraad Arsenal ku durayaan madaama ay inta badan ku dhameysanayeen booskaas xilli ciyaareedyadii u danbeysay.

Laakiin Gunners ayaa qosolka ku danbeysay, iyadoo ugu jawaabay sawirka xiddigoodii hore Ray Parlour oo dabaaldegaya.

Waxaana ay raaciyeen fariin aheyd: “Anagoo weli ka hadleyna seddexleyda, ma xusuusataan tan?”

Sawirka sida inta badan taageerayaasha Arsenal ay xusuustaan waa Ray Parlour kaasoo seddexleey ka dhaliyay Werder Bremen kulankii ay Arsenal 4-2 ku garaacday ee UEFA Cup ee ka dhacay Jarmalka bishii March 2000.

Comments

comments

SHARE