Somaliland: Madaxweyne Siilaanyo Oo Dikreeto Madaxweyne Ku Magacaabay Todoba Degmo Oo Cusub.

Somaliland: President Silanyo Appeals for Peaceful Stability
Somaliland: President Silanyo Appeals for Peaceful Stability

Madaxweynaha Somaliland, Mud. Axmed Maxamed Siilaanyo, ayaa ka hor intaanu dalka ka dhoofin galabta wuxuu Dikreeto Madaxweyne ku magaacabay todoba Degmo oo cusub. Sidaana waxa lagu sheegay War-saxafadeed ka soo baxay aqalka Madaxtooyada oo u dhignaa sidan.

WAR-SAXAAFADEED

 

Madaxweynaha Jamhuuriyadda Somaliland, Mudane Axmed Maxamed Silaanyo waxa uu digreeto Madaxweyne oo Summadeedu tahayJSL/M/XERM/249-4090/072016 ku magacaabay todoba Degmo oo Cusub.

 

Madaxweynuhu:-

 

Markuu Arkay:                       Qodobka 90aad iyo Qodobka 109aad, Faqraddiisa 3aad ee Dastuurka Jamhuuriyadda Somaliland;

Markuu Arkay:                       Qodobka 10aad ee Xeerka Gobollada iyo Degmooyinka oo tilmaamaya wax-ka-beddelidda Qaab-dhismeedka Dalka;

Markuu Tixgeliyey:               Codsiyada ka yimid Madax-dhaqameedyada, Waxgaradka, Culimada iyo Odayaasha Deegaanka;

Markuu Tixgeliyey:               Baahida loo qabo in Degaanka Geba-gebo loo magacaabo Degmo cusub;

Markuu Dhegeystay:                        Soo jeedinta Wasaaradda Arrimaha Gudaha;

 

Wuxuu go’aansaday;

 

Ø  In uu Balli-mataan  u magacaabo Degmo, taasi oo ka tirsanaan doonta Gobolka Maroodi-jeex.

Ø  In uu Geba-gebo  u magacaabo Degmo, taasi oo ka tirsanaan doonta Gobolka Togdheer.

Ø  In uu Faqayuub  u magacaabo Degmo, taasi oo ka tirsanaan doonta Gobolka Togdheer.

Ø  In uu Shaxda u magacaabo Degmo, taasi oo ka tirsanaan doonta Gobolka Xaysimo.

Ø  In uu Wadaamagoo  u magacaabo Degmo, taasi oo ka tirsanaan doonta Gobolka Saraar.

Ø  In uu Adhi-cadeeye  u magacaabo Degmo, taasi oo ka tirsanaan doonta Gobolka Sool.

Ø  In uu Gumburaha u magacaabo Degmo, taasi oo ka tirsanaan doonta Gobolka Hawd.

ALLAA MAHAD LEH

Cabdiraxman Sh. Cilmi Fahiye (Shamax)

         Af-hayeenka Madaxtooyada JSL.

Comments

comments

SHARE