Somalia: Diyaarad ka duushey Muqdisho oo dab-qabsadey dib ugu soo noqotey Garoonka Adan Cadde

130

Diyaarad ay leedahay shirkadda duulimaadka African Airways Alliance (Daallo) duulimaadkeeduna ahaa 159 oo ka kacdey garoonka diyaaradaha ee Adan Cadde kuna jeedey jabuuti ayaa qarax ka dhacay gudaheeda iyada oo ku jirta Duulimaad. halka qaraxu ka dhacay ayaa ku beegan mid kamid ah Matoorada diyaaradda.

Qaraxa ama dabka ayaa dhacay wax yar kadib markii diyaaraddu hawada gashey. Waxana qaraxu ka dhacay sida wararku shegayaan meel ku dhaw kuraasta 15F ama 16F.

Wararku waxay sheegayaan in diyaaraddu si nabad ah ugu soo noqotey garoonka diyaaradaha ee Adan Cadde ee ay ka duusheymuddo 30 daqiiqo ah kadib duulimaadkeedi. Waxaana loo sii diyaariyey shaqaalaha la dagaalama dabka, iyo gargaarka deg-dega ah.

Rakaabkii saarnaa ayaa si nabadgelyo ah lagu soo dejiyey, waxaana la xakameeyey dabkii qabsadey matoorka diyaaradda, midkamid ah shaqaalaha garoonka ayaa warbaahinta u sheegey in laba qof dhaawac ka soo gaarey dabka.

Diyaaradda qaraxu ka dhacay iyada oo hawada ku jirta ayaa nooceedu ahaa Airbus A321, waxaana ay u kireysneyd shirkadda Daallo.

Maamulka Shirkadda duulimaadka ee African Airways Alliance oo ay ku mideysan yihiin Daallo iyo Jubba ayaan wax war ah ka soo saarin shilkan iyo waxa sababey.

Comments

comments