Giriiga oo Dhibaato ku noqday Midowga Yurub!

106

Waxaa xalay saqdii dhexe dhamaaday shir deg deg ah oo ay magaalada Brussels ku yeesheen hogaamiyayaasha Midowga Yurub oo ka tashanayey sidii ay ka yeeli lahaayeen wadanka Girgiiga.

Kulankan ayaa la xariira Aftidii ay shacabka Giriiga ku qaadaceen hindisihii dhaqaalaha ee lagu xakameenayey deeqda dhaqaale ee lasiiyo dowlada Girgiiga.

Midowga Yurub ayaan xiligan dooneyn in wadanka Giriiga uu ka baxo dalalka ku bahoobay Midowga Yurub, arrintan ayaa keeni karta in ay saameyso dalalka kale oo iyaguna la daala-dhacaya dhaqaale xumada sida, Spain, Italy, Portugal iyo Ireland.

Hogaamiyayaasha Midowga Yurub ayaa ku heshiiyey in dowlada Girgiiga laga codsado in khamiista beri ah ay soo gudbiyaan qorshe cusub oo ay ku badbaadinayaan bangiyada dalkaasi Giriiga iyo dakhliga wadankooda, qorshahaasi oo lagu falaqeyn doono shirweyne ay dalalka Midowga Yurub isugu imaanayaan maalinimada Axada ah.

Comments

comments

SHARE