Somaliland: Imaaradka Carabta Oo gawaadhi gaashaaman ugu deeqday ciidamadda Somaliland

Waxa Maanta Labadii Duhurnimo kusoo xidhay Dekedda Barbara Markab Siday Deeq Dawladda Imaaradka Carabtu  ugu Deeqday Ciidamadda Somaliland, Deeqdan oo ka koobnayd hub iyo saanad milateri oo casri ah ayaa lagu wareejiyay Dawladda Somaliland.

deegdan ayaa daba socotay Socdaal uu Madaxweyne Silaanyo Bishii hore ku tagay Dalka Imaaraadka Carabta, kaas oo Madaxweyne Silaanyo ku Tilmaamay Guul iyo Horumar u soo hoyday Somaliland.

Saanaddan Milatari ayaa isugu Jirta Gawaadhidda Gaashaaman ee Dagaalka, Toyota/LandCruisers, Kaarayaal, beebeeyo Casri ah, Gawaadhida Xambaraa Gadiidka Gashaaman iyo Ciidamaddaba sidoo kale Hub Casri ah, Motooyin iyo Qalabka ciidanka ee ka hortaga Mudaharaadyadda iyo Qalab kale oo Boolis.

Deeqdan Milatari ayaan noqon doonin tii ugu Dambaysay ee Dawladda Imaaraadku ugu deeqi doonto Ciidamadda Somaliland, sida uu sheegay mid ka mid ah musuuliyiintii wareejinaysay Deeqdu.

Munaasibadda oo lagu Qabtay Dakadda Berbera ayaa waxa ka qayb galay Taliyaha Ciidanka Booliska Somaliland Sareeyo Guuto Mud. Cabdilaahi Fadal Iimaan, Taliyaha Ciidamadda Badda Somaliland, Janaraal Maxamed Xuseen Faarax Xiirane, Sidoo kale waxa kasoo qayb galay Maamulka Gobolka Saaxil.

Goobta Munaasibaddu ka dhacay oo aan loo ogolayn in waxa sawiraan ah la qaado ayaa waxa noo suurto gashay inaanu dhawr Sawir helno.

Hoos ka Daawo Qaar kamid ah siwiradda.

image4047image4048image4049image4049 (1)

 

 

Comments

comments