KSA: Kooxda ISIS oo sheegatay qaraxii lala beegsaday masaajid ku yaal Boqortooyadda Sucuudiga

Family members of victims and well wishers are seen after a suicide bomb attack at the Imam Ali mosque in the village of al-Qadeeh in the eastern province of Gatif, Saudi Arabia, May 22, 2015. A suicide bomber blew himself up at the Shi'ite mosque in eastern Saudi Arabia during Friday prayers, residents said, killing around 20 people and wounding more than 50, local residents and a hospital officials said. REUTERS/Stringer TPX IMAGES OF THE DAY

Qarax ismiidaamin ah oo ay ku dhinteen ugu yaraan dad gaadhaya 21 qof tiro kalena ku dhawaacmeen ayaa lala beegsaday masaajid ku yaal bariga Sacuudiga oo ay ku tukanayeen dad shiico ahi salaaddii Jimcaha, sida ay sheegeen dad goob-joogeyaal ahaa.

Qaraxani wuxuu ku soo beegmayaa iyadoo ay socdaan weerarrada dhinaca cirka ah ee  isbahaysiga  Sucuudigu hoggaamiyo  ku beegsanayaan maleeshiyada Xuutiyiinta ee Shiicada Yemen.

Kooxda ISIS ee ka dagaalanta Ciraaq iyo Suuriya ayaa war-saxaafadeed ay ku baahiyeen internet-ka ku sheegtay in ay qaraxa is-miidaaminta ah iyagu gaysteen.

Shiicada laga tirada badan yahay ee dalka Sucuudiga ayaa badankoodu waxay ku nool yihiin magaalada Oasis ee gobolka bari ee Qadif iyo tuulada Ahsa ee gobolka Waqooyi-Galbeed.

Tuulooyinka Qatif iyo Al-Ahsa waxay inta badan hoggaamiyaan mudaharaaddada lagaga soo horjeedo dawladda Sucuudiga.

Shiicada Sucuudiga oo tiradooda lagu qiyaaso in ay 10% ilaa 15% ka yihiin dadka Sucuudi Carabiya, waxay ku cawdaan in ay takoorid kala kulmaan dhinacyada waxbarashada iyo shaqaalaysiinta dawladdu samayso.

Waxay ku doodaan in saraakiisha Sunniga ahi soo gaadhsiiyaan ardayda Shiicada tiro aad u kooban oo buugaagta wax laga barto ah.

Sidoo kale, waxay cabasho ka muujiyaan xadidaad lagu sameeyo goobaha cibaadada ee ay dhisan karaan,   fasaxyada shiicada oo aan loo ogolaan, iyo Qatif iyo Al-Ahsa oo hela maalgelin ka yar ta ay helaan gobollada Sunnigu degaan.

Dawladda Sucuudiga ayaa beenisa eedaymahan ay Shiicadu soo jeediyaan dhammaantood.

Comments

comments

SHARE