Madaxweynaha Burundi oo xukunka u tartamaya

Maxkamadda dastuuriga Burundi ayaa u ogolaatay in mar kale uu madaxweynaha u tartamo xafiiska.

Madaxweyne Pierre Nkurunziza ayaa ballanqaaday inuusan mar sadaxaad tartamin taasi oo qeyb ka aheyd heshiis nabadeed oo la gaaray 2005tii, si loo dhameeyo in ka badan toban sano oo dagaal sokeeye.

Madaxweyne ku xigeenka maxkamadda, Sylvere Nimpagaritse, ayaa ka cararay Burundi ka hor xukunka, isagoo sheegay inuu la kulmay cadaadis daran oo hanjabaado dil ka mid yihiin si uu u ogolaado tallaabada. Wuxuu sheegay in afar ka mid ah todobada garsoore ay horay u sheegeen in isku dayga madaxweynaha uusan waafaqsaneyn qeynuunka balse lagu cadaadiyay inay badalaan taa. Dibadbaxayaasha ayaa ku soo laabtay wadooyinka xarunta Bujumbura.

Waxaa jirta cabsi ah in heshiiska nabadda jilicsan ee dalka uu burburo hadii madaxweynuhu ku adkeysto inuu awoodda sii joogo.

Comments

comments

SHARE