Kenya: Xogheyaha arrimaha dibadda Mareykanka oo booqanaya Kenya

U.S. Secretary of State John Kerry steps out his plane upon arrival at Vienna International Airport for talks with foreign ministers from the six nations negotiating with Tehran on its nuclear program in Vienna, Sunday, July 13, 2014. (AP Photo/Jim Bourg, Pool)

Xogheyaha arrimaha dibadda ee Mareykanka John Kerry ayaa la filaaya in maanta oo axad ah uu gaaro magaalada Nairobi ee caasimadda dalka Kenya.

Booqashadiisa ayaa la filaaya in ay qaadato saddex maalmood, waxaana uu masuuliyinta sare ee dalka Kenya kala hadli doona labo qodob oo kala ah:

  •  Iskaashiga dhinaca amaanka
  • Safarka Madaxweyne Obama uu ku imaanaya Kenya bisha July

Diblomaasi sare oo kamid ah wefdiga Wasiirka ayaa saxaafadda u sheegay in ay si aad ah uga wada hadli doonaan arrimaha la dagaalanka kooxaha argagixiisada iyadoo dalka Kenya ay ka dhaceen weeraro ay geysteen Ururka al-Shabaab.

Sidoo kale John Kerry ayaa kulan la qaadan doona Xisbiyada Mucaaradka ee Kenya, iyadoo Dowladda Uhuru Kenyatta lagu eedeeyay in ay tacadiyo ka dhan xuquuqda aadanaha iyo xorriyadda geysteen.

Madaxweynaha Mareykanka Barack Obama ayaa la filaaya in uu Kenya imaado bisha July iyadoo bishii lasoo dhaafay Mareykanka uu ka digay in loo safro Kenya sababo amaan awgeed.

Comments

comments