Syria: ISIS oo qabsatay xerada Qaxootiga Falastiiniyiinta

186

Kooxda ISIS ayaa gudaha u gashay xerada Falastiiniyiinta oo ku taal koonfurta magaalada Dimishiq ee caasimada dalka Siiriya.

ISIS ayaa markii ugu horeysay soo gaartay xerada Yarmuuk oo ay ku jiraan qaxootiga Falastiiniyiinta oo gaaraya 18.000 qof.

Wararka kasoo baxaya deegaankaasi ayaa sheegaya in halkaasi uu hada dagaal xoogan ku dhexmarayo ISIS iyo maleeshiyaad reer Falastiin ah oo gacanta ku hayey xeradaasi.

Maleeshiyaadka ISIS ayaa kasoo duulay degmada Xajar Al Aswad oo u dhaw xerada Yarmuuk.

Xeradan ayaa horey ugu jirtay go’adoon ay saaraan ciidamada dowlada Bashaar Al Assad, waxayna halkaasi macluul ku heysay dadka qaxootiga ah oo sanado badan halkaasi ku noolaa.

Waa markii ugu horeysay oo ay kooxda ISIS gudaha usoo gasho qeybo degmooyinka ka tirsan Dimishiq.

Comments

comments