Somalia: Madaxweynaha Djibouti Oo Kulan La Yeeshay Raysal Wasaaraha Dalkaasi Soomaaliya.

158

Raysal Wasaaraha Dalkaasi Soomaaliya iyo wafti uu hogaaminayo ayaa maanta booqasho rasmi ah ku tagay magaalada Djibouti, iyadoo wakhtiga Raysal Wasaare Sharmaarke uu kulamo la yeeshay Madaxweynaha Jamhuuriyada Jabuuti Ismaaciil Cumar Geelle iyo Raysal Wasaaraha dalkaasi. Mudane Cabdulqadir Kamil Maxamed.

Wafdiga Raysal Wasaaraha Soomaaliya waxaa kamid ah Wasiirka Arrimaha Dibadda, Mudane Cabdisalaan hadliye Cumar, Wasiirka Gaadiidka iyo Duulista Hawada, Mudane Cali Axmed Jaamac Jaangali, Wasiiru-dawlaha Gaashaandhiga, Mudane Maxamed Cali Xagaa iyo mas’uuliyiin kale. Ra’iisul Wasaaraha ayaa ku ammaanay dalka Djibouti taageerada joogtada ah ee mar walba ay la garab taagan tahay Soomaaliya iyo ciidamada Djibouti ee AMISOM oo gacan muuqata ka gaysta sugidda amniga dalka Soomaaliya.

Raysal  Wasaaraha Soomaaliya iyo Madaxweynaha Djibouti oo yeeshay kulan dheer oo qaatay labo saacadood ayaa Ra’isul Wasaaruhu waxaa uu warbixin guud ka siiyay Madaxweynaha Djibouti xaaladda guud ee Soomaaliya. Raysal Wasaaraha Soomaaliya oo arrimahaas ka hadlaaya wuxuu yidhi.

 

 

 

“Waxaan marka hore ka mahad celinayaa soo dhoweynta diirran ee aniga iyo wafdigayga aan la kulannay, Madaxweynaha Djibouti waxaan ka wada hadallay xoojinta xiriirka walaaltinimo ee aan wadaagno iyo adkaynta iskaashiga noo dhexeeya ee dhinacyada siyaasadda, amniga iyo ganacsiga labada dal oo mar haddii aan wadaagno waxyaabo badan oo muhiim u ah shacabkeena.

 

Waxaan uga mahadcelinayaa dawladda Djibouti taageerada kala duwan ee Soomaaliya ay u fidisay oo sugidda amnigu ay qayb ka tahay iyo sida ay xilli kasta diyaarka ugu tahay in ay gacan buuxda ka gaysato xasilooni buuxda oo ka dhalata Soomaaliya iyo dhismaha haya’adaha dawladda.

Comments

comments

SHARE