Somalia: Al-Shabaab oo weerar culus markale ku qaaday xerada Laanta-Buuro

201

Maleeshiyada Al-shabaab ayaa markel weerar culus xalay saqdii dhexe ku qaaday saldhig ay ciidamada dowladda Soomaaliya ku lahaayeen xerada Laanta Buuro ee gobolka Shabeellaha Hoose.

Qarax ismiidaamin ah oo uu fuliyay qof naftii hure ah ayuu ku bilowday weerarka, isla markaana waxaa qaraxa kadib Shabaab weerartay xerada.

Maleeshiyada Al-shabaab ayaa la sheegayaa weerar saacado qaatay kadib in ay u suurta gashay in ay la wareegaan xerada, waxaana weerarkaasi ka dhashay qasaare dhimasho iyo dhaawac.

Al-Shabaab ayaa sheegtay in ay dishay sodon askari oo ka tirsanaa ciidanka dowladda, isla markaana la wareegtay 7 gaari oo nooca dagaal ah.

Dhinaca kale askeri ka tirsan ciidanka dowladda Soomaaliya oo ka gaabsaday in la xuso magaciisa ayaa sheegay in weerarkaasi dhinacooda looga dilay 7 askeri, bale dhinaca al-Shabaab uu jro khasaare dhimasho iyo dhaawac ah.

Bishii Maarso ee sanadkan 2016 ayey ahayd markii shabaab weerar noocaan oo kale ah ku qaadaan xerada Laanta- Buuro, kaasi oo ay ku qabsadeen gaadiid badan.

Comments

comments